劉嘉玲冇諗爭影后

徐克執導的狄仁傑系列第一集票房叫好叫座，更成功令嘉玲於2011年時圓夢，奪得金像獎影后殊榮，今次新一集《狄仁傑之神都龍王》，徐克依然對票房極有信心，不過嘉玲卻謙稱未有想過再下一城封后：「無啦，上次已經覺得好好彩，可能係天時、地利，講運同對手，今次真係諗都無諗。」嘉玲透露多得導演、化妝及服飾幫忙，不擔心會有上集武則天的影子，其實作為演員只是配合導演去呈現他腦海中的武則天。

拍水底戲辛苦

提到戲中男主角趙又廷稱自此不敢再拍水底戲，問到是否過程太辛苦？徐克聞言笑說：「佢咁大膽？其實係睇番花絮先知做咗好多嘢，相信大家捱得好辛苦。」嘉玲卻覺得最辛苦是要挑戰大自然，問到以後會否寧願抖暑？嘉玲說：「又唔會，做演員要付出，睇番喺電影畫面上出嚟嘅嘢受咩苦都值得，（會唔會再拍？）一定會，徐克搵我就會再做，（演老年版都得？）無問題。」

睇反應拍續集

徐克被問到會否計劃再開拍第三集？他直言在電影散場時會有二十多幅畫去呈現狄仁傑的世界，這比伏線更厲害：「當然我都想拍第三集，但要睇實質觀眾反應，（預唔預有嘉玲？）咁狄仁傑都被武則天搞到幾有壓力，咁玩都幾好睇，加上嘉玲已經好了解武則天，根本現實都咁有氣勢！」嘉玲亦附和覺得唐朝故事要有武則天才好看，是種標誌性。

文：影視組

攝：唐豁莊