蔣家旻床戰馬志威 咀出兄弟情
由葉念琛執導，無綫小花蔣家旻及男模出身的馬志威主演愛情電影《第一次不是你》，上畫一周，票房接近200萬。葉念琛表示，票房算不錯，因中秋檔期，新片林立，電影場數分薄，為了爭取口碑，他與演員已走遍各戲院，謝了超過30場票，面對觀眾時，最開心聽到有人嗌「部戲好好睇！」。
否認拍拖
今日是中秋追月夜，馬志威希望爭取到拖友觀眾，與家人共慶團圓後，會買飛睇戲。有傳蔣家旻與馬志威拍拖，問兩人是否拖友時，兩人對望一下，齊聲說「唔係」（有冇發展機會？）「隨緣」馬志威說：「我哋係拍戲至識，依家係好朋友，我當佢兄弟，佢外形同性格好唔同，成個男仔頭咁。」蔣家旻則表示：「我哋兩個，應該同對方講：第一次都是你，我哋第一次在大銀幕演出，有熱吻，強吻，激吻，仲第一次拍床上戲。」
影迷喊晒
這部戲是在蔣家旻簽約無綫前接拍的，所以她可以拍床上戲而不受限制。三人進戲院謝票後，答應觀眾在戲院門外為他們簽名，散場後有數十觀眾，排隊等影相，馬志威說，「上次有個15歲嘅妹妹，喊晒同我哋握手，問點解我哋唔可以喺一齊。」
文：影視組