王宗堯：預咗爆缸
演員王宗堯學拳兩年，面對下月初首戰拳擊比賽，即進行密集式鍛煉，他透露每日練到「冇得抖」：「因為想保持住爆發力同練好體力，除咗每日練拳前要跑六公里之外，操拳一操就已經兩個鐘，話就話有休息，但其實仲要做五十吓sit up，即係冇得抖！」而練得一身好功夫的他，還揚言會在比賽豁出去：「我預咗爆缸！雖然樣貌對做演員好重要，但我諗少少傷唔緊要，始終男人都係需要啲疤痕嘅！」
此外，他更找來師妹「翻版Angelababy」李梓言進行「特訓」，二人互逼對方上沙包，還「重拳」出擊，被嚇得現「囧」樣的王宗堯，笑言要捉師妹特訓「報復」：「我要捉佢跟我跑街，每日跑6公里，跟住做特訓！」
