甘翠華挑戰娜姐 轉攻樂壇
o靚模組合FFx成員甘翠華（Gladys）近日首次「單飛」為瘦身產品擔任代言人，曾揚言挑戰周秀娜的Gladys，則謙虛表示能夠追趕娜姐步伐已經很開心。另外，轉型做歌手的Gladys，更積極備戰，希望可以闖一番天地。
o靚模組合FFx出道以來形象健康，獲得不少廣告品牌垂青。今年成員之一甘翠華（Gladys）更首次「單飛」拍廣告，以六位數字酬勞擔任瘦身產品「溶腩酵素」做代言人。日前Gladys為廣告拍足八粒鐘，表現專業的Gladys，全程僅以麵包及水充飢，務求以最佳狀態示人。而身形一向驕人的Gladys，更換上性感比堅尼上陣，大騷三吋「事業線」，展現健康性感美。
每星期練舞三次
問到Gladys首次「單飛」感覺如何，Gladys坦言非常開心，她說：「平時我哋FFx都係七個人，今次得我一個，其實係好興奮同好開心，同埋今次品牌都係大公司，所以我都好緊張，都想盡量做得專業啲，希望可以做得更加好。」談及到Gladys早前表示希望可以挑戰周秀娜，Gladys謙虛表示：「娜姐都已經係神級，其實可以追到佢嘅步伐，就已經好開心。如果可以同娜姐平排，就已經好好，所以我都一直視佢為目標。」
而Gladys更坦言現階段積極轉型做歌手，近日更密鑼緊鼓排舞練唱歌，她說：「趁自己仲年輕我希望作唔同方面嘅嘗試，所以依家都一星期練三次舞，再加上食咗代言嘅產品，令我身形再fit啲！（咁滿唔滿意？）如果再fit啲會更加好！」
文：專案組
攝：樊愛慈