黃玉郎欽點 霆鋒握神兵

黃玉郎多部作品是香港人集體回憶，六、七、八十後是他也是你和我，曾在剪髮舖一邊剪髮一邊拿起《小流氓》或《龍虎門》慢慢歎。做「漫畫佬」得如此多信徒，還有甚麼心願未了？還可以去到幾盡？

黃玉郎十年如一日，長着小鬍子、架上招牌眼鏡的他原來有個夢想，就是將自己兩部大作《神兵玄奇》和《龍虎五世》拍成電影，更希望打入國際市場。他說：「我嘅漫畫好適合拍電影，尤其係《神兵玄奇》同《龍虎五世》，一個玄幻，一個科幻，依家CG咁發達，好多場面都可以靠特技做出嚟。正式美國漫畫改篇電影近十年大收，主要係電腦技術成熟，可以出現好獨特、爆炸性嘅畫面，滿足到大家嘅視覺享受。」

黃玉郎有意將《神兵玄奇》拍成三部曲。

吳尊的古裝造型非常適合演南宮問天。

搵演員最難

雖然科技可以解決的問題並不是問題，可是選角亦要慎重考慮，並非邀請一線影星便可成事。黃玉郎有自己獨特觀點，他點名圈中四大型男實現夢想：「老實講，依家我正積極籌備《神兵玄奇》，演員好難講，唔係難搵，檔期同酬勞先至比較難搞。其實有好幾位都啱做《神兵》問天呢個角色，例如謝霆鋒、黃曉明、吳尊、李治廷。但成個Project投資咁大，喺選角、檔期、配套都要有好周詳計劃。舉例拍《神兵》，一拍就要拍三部，呢三部曲就係中國嘅《魔戒》。如果我哋起用《魔戒》嘅團隊，Budget又會唔同，變咗國際片，選角又要再度，可能要搵奇洛李維斯做另一個角色去打入歐美市場。」此外，為慶祝黃玉郎入行五十年，將舉行「黃玉郎五十周年殿堂展」，粉絲又有機會朝聖。

黃玉郎手握「天晶」扮問天，笑指自己都想演主角。	黃曉明	黃曉明與李治廷亦是黃玉郎的心水人選。

文：專案組

攝：秦健輝　

場地：東港城