莊思敏沈震軒焗玩車震

藝人莊思敏與沈震軒在新片《溝女不離３兄弟》中，有場激烈的車震戲份。二人在車廂內纏綿狀甚溫馨，但其實二人拍攝時可謂有苦自己知。莊思敏表示自己身材比較高挑，車廂內未能活動自如還要做出多個高難度動作，她說：「因為劇情需要講我做主動，騎上沈震軒大髀上有所動作，其實我要屈埋個身就位真係好辛苦，我個頭頂住個車頂o架。」

扮好享受

此外，拍攝時因現場收音問題而不能啟動車廂內的冷氣，其實二人均是焗到滿身大汗，她說：「成個車廂都係汗臭味，仲要扮到好享受咁激情，真係有苦自己知。」而沈震軒表示由於車廂太細又布滿戲材，自己都擔心會碰到莊思敏的重要部位，所以要格外小心，他說：「其實拍攝時都真係有啲尷尬o架，話晒大家原本唔太熟絡。」

莊思敏戲中主動向沈震軒投懷送抱。

莊思敏和沈震軒飾演一對拍拖多年及身份地位有差距的情侶。

主動求愛

戲中莊思敏和沈震軒飾演一對拍拖多年的情侶，女方電視台的著名主持人有身份地位，但沈震軒則是一名寂寂無聞的編劇，不受重視，故在二人的關係有着一段很大的距離，莊思敏說：「所以講我日常生活因為工作而很忙，故連與男友做愛的時間也欠奉，需要在車程上處理，所以成場戲講我做主動，好在排個幾次位後到真正拍攝時一take過，好順利。」

文：影視組