文詠珊揀男友如買車

黎明愛將文詠珊(Janice)昨日出席BMW 4 Series Coupe新車發布會,穿上紅色連身裙的她直言心動想換車,有4年駕車經驗的她現在追求又快、又有外形的車。她更笑言揀車如揀男友一樣講feel,亦希望今年買樓投資及換車:「換車就可以隨時轉,但男朋友唔可以。(係咪都要摸吓?)係o架,要接觸吓、了解吓先。」

問到會否好似李治廷拍戲識異性,她表示自己亦試過拍激吻戲驚代入,但最後無事,所以一切隨緣。對於李治廷有否介紹范冰冰給她認識?Janice直言好少見他,但有打聽:「我咪問佢點呀?雖然我唔知係咪真,但佢呢排有好多正能量。(襯唔襯?)旁人畀唔到意見,如我自己鍾意都唔會理人點講,會支持佢。」