楊秀惠中秋玩分身

莊思敏和楊秀惠昨出席馬來西亞美食節開幕禮時齊騷事業線，秀惠與同場的馬來西亞旅遊促進局（香港分局）局長白素穎很似樣。秀惠透露中秋會爭取時間瞓覺：「近排開工好攰，（有冇人陪瞓？）冇，一個瞓雙人床。」單身的秀惠說沒追求者約她去街：「本來有幾個圈內馬來西亞女仔朋友約我，不過我好攰，嚟緊想買補品補身。（愛情滋潤？）依家希望可以幸福，女人除咗愛情，搵錢都好重要，希望可以返馬來西亞買大屋。」