婷婷證拉姑王菲啱傾
王菲離婚一事轟動全城，有網民希望她與舊愛謝霆鋒復合。前晚霆鋒妹妹謝婷婷出席活動時，表示媽咪狄波拉與王菲沒有不和之餘，還大爆兩人好啱傾，並有girls talk聚會，感情非常好，婷婷又說希望聆聽哥哥講感情事。
謝婷婷前晚出席品牌活動，對於早前爆前阿嫂張栢芝轉電話而被栢芝粉絲鬧多事，婷婷坦言沒留意有關報道，覺得只是一場誤會，問會否遭嚇怕而不再講哥哥謝霆鋒的事？她說：「唔會，你哋（記者）問我嘅問題好公平，我都係講我嘅意見，答到就答，如果唔輪到我答嘅我唔會答，我唔係一個冇常識、冇意見嘅人。（栢芝改番電話未？）唔清楚。」
怨哥哥粒聲唔出
有指婷婷母親狄波拉因未能見兩個孫仔而不開心，對此婷婷說：「前幾日同媽咪食飯，冇乜嘢。（中秋節一家人慶祝？）屋企好興臨時聚會，就算我約咗朋友都要即刻推，同屋企人慶祝。」提到霆鋒發聲明代栢芝出頭，婷婷坦言不知情，這段期間亦無見過兩姪仔。婷婷表示霆鋒沒談論她被鬧多嘴一事：「連佢離婚咁大件事都冇坐低傾過。」
有網民希望霆鋒跟王菲復合，問婷婷覺得會否有可能性？她說：「唔清楚，冇意見。」有記者指有傳拉姑與王菲不和，婷婷大反應地回應：「唔係喎，好啱傾o架！有次見到阿菲同媽咪喺同一架升降機行出嚟，佢哋有girls talk聚會。」至於有否聽霆鋒講王菲是他一生最愛？婷婷說：「冇，如果佢同我講呢啲，我會好開心。」
Amanda怕做闊太
前晚活動的嘉賓還有名模Amanda S.、鄧愛嘉、潘楚穎等，Amanda說生意很忙，並指在香港做太太不簡單，不但要替老公下廚，就連老公的朋友生日，也要代為籌備生日會及預備禮物。Amanda於9月11日慶祝結婚周年紀念，她表示到峇里旅行三天，每天都打電話返甜品舖，又要問傭人關於愛犬的情況。她又透露老公送了珠寶作禮物，她則送了卡給老公。
文：名人組