譚詠麟：係咪要判死刑？
譚詠麟（校長）昨日到電台宣傳新碟，更帶來「左麟右李」自家製月餅益街坊，雖然校長與無綫再無任何合約轇轕，但當提到無綫就違犯「反競爭條款」被罰款90萬元，校長就「耍太極」反問：「佢有冇初犯？係咪要判死刑？呢啲嘢見仁見智啦。」對於有指無綫不容許旗下藝人在他台用廣東話受訪，校長就話：「我去咩台都講廣東話o架喎，除非做內地節目啦，有麝自然香呀。」
又問可覺得無綫壟斷市場？校長就話中有話地說：「其實其他台都可以栽培歌手，如果你個節目有價值就會有人上，我都上過o架，佢哋真係要自強。」
馬賽：「每一間公司都有佢嘅政策，公司要保護自己嘅利益，係可以理解，但詳細情況我就唔方便講太多，等公司安排！（會唔會覺得係好事？）以香港平台嚟講，觀眾係得益者，不過都要尊重合約精神，總之等公司決定，公司好我哋好。」鍾嘉欣：「等公司安排，會照公司意思去做，咁大間公司，有自己的政策。」
