張家輝三字經 寸彭于晏扮嘢
張家輝與彭于晏（Eddie）於新片一幕蜻蜓點水式咀嘴令人印象難忘，未知是否咀得過癮，二人繼早前於內地宣傳時重演該幕戲份後，前晚又應要求作狀咀嘴。Eddie被問到是否說得一口流利粗口時詐傻扮懵，家輝即踢爆說：「你唔好扮X晒嘢！」相當搞笑。
張家輝與彭于晏孭飛的新片《激戰》，上映32天收4100萬港元，成績相當不錯，前晚二人聯同導演林超賢、梁小冰、盧覓雪等舉行慶功，已三度與林導合作的家輝，笑指能夠突破以往的作品已感高興，心情興奮的他，還應要求與Eddie作狀咀嘴。
唔想老婆拍咀戲
至於家輝與Eddie兩師徒會否再次合作？家輝透露拳擊古仔可能性不大，但應會原班人馬上陣拍攝另類題材，不過一切有待林導作最終決定。談到將於年尾舉行個唱的容祖兒，有意找其健身教練操身形，家輝聞言即謂：「佢唔使啦！張海報索到咁嘅地步，搞到周身肌肉盞退票！」
歐陽震華近日透露為了促成與關詠荷再結片緣，竟以發毒誓及沒有接吻鏡頭望家輝「放人」，家輝對此笑說：「我呢幾年都係打生打死，都想未來日子可以談吓情，老婆都係拍《陀槍師姐》開吓槍咪好囉！」
跟師傅學講粗口
至於Eddie則寄望未來日子有更多機會來港拍戲，問到現時是否講得一口流利粗口？Eddie即詐傻扮懵笑否認，家輝見狀即忍不住笑住爆粗：「你唔好扮x晒嘢！」Eddie只好笑笑口謂：「我都是跟師傅學的！」惹笑非常！此外，與Eddie老友鬼鬼的鄭元暢，前日剛巧亦在港，兩人趁機於銅鑼灣短聚，還把照片上載與網友分享。
文：影視組