包攬馬國頒獎禮 無綫滿足小生花旦
一向被視為無綫台慶頒獎禮的前哨戰、在馬來西亞舉行的「我的最愛頒獎禮ASTRO ON DEMAND AWARDS」，視帝視后獎項乃眾小生花旦爭崩頭的目標。根據往年經驗，各個獎項將成為台慶頒獎禮的指標，不過今年情況卻有變動，製作單位不再是Astro，改為無綫全權負責，故於控制獎項方面，自由度亦相對提高，相信無綫要做到人人歡喜局面，絕對毫無難度！
徐子珊：更有親切感
近年均在Astro有獎攞的徐子珊，對於今年將由無綫獨攬大權負責製作，她表示：「作為演員嚟講，邊個製作都冇咩分別，只係自己公司做，親切感會大好多，因為全部自己人嘛，（攞獎機會高啲？）應該唔關事嘅。」
