洪杰處男作獲「女友」撐場
歌手洪杰前晚舉行處男音樂會，邀得緋聞女友朱紫嬈、鍾舒漫（Sherman）、泳兒及樂隊Closer任嘉賓，雖然洪杰與朱紫嬈齊聲否認戀情，但卻遭Closer成員吳浩康踢爆兩人情侶關係，當洪杰介紹「女友」出場時，抵死的吳浩康高呼說：「咀嘴。」搞到兩人鬼咁尷尬，洪杰亦不避嫌拖實「女友」合唱。穿上通窿短裙襯緊身內衣的Sherman勁騷「事業線」，她說：「少少性感OK。（唔着內衣仲OK？）咁又唔得，好不雅。」剛推出新專輯的她坦言要緋聞男友張致恒買碟支持，而患腸胃炎半個多月的泳兒自爆曾發夢「瀨屎」，她說：「起身都望吓有冇瀨出嚟。」
