陳嘉容認感情出問題

名模陳嘉容（Eunis）去年底與印度籍機師男友S先生撻着，更視對方為結婚對象，但原來已於月前分手。據知Eunis想結婚生B，但男友則未定性。最令她接受不了是男友想辭去機師的高薪厚職，轉行做DJ捽碟。
陳嘉容不停飲泣，女友人即輕撫她予以安慰。
陳嘉容不停飲泣，女友人即輕撫她予以安慰。

日前Eunis被《好報》拍得找好友傾訴心事，當日下午，載黑超遮素顏的Eunis現身友人時裝店。見一臉憔悴的她愈說愈難過，更忍不住落淚飲泣，要拿紙巾拭淚，好友則不停安慰她。Eunis昨日接受電話訪問承認感情出了問題：「依家係冷靜期，我哋之間係有啲問題，但佢個人真係好好。（佢想轉行捽碟？）其他嘢唔回應，希望可以畀啲空間我。」

陳嘉容與男友處於冷靜期。
  • 陳嘉容與男友處於冷靜期。