黃真真爆張孝全人格分裂
導演黃真真自編自導的新片《被偷走的那五年》於內地票房勁收1.2億元人民幣，她坦言相當意外。談到首次合作的男主角張孝全，她大爆對方相當慢熱，入劇組首晚上約食飯時，孝全一語不發，令黃真真相當頭痛：「佢連白百何一眼都唔望，好怕醜，我心諗10日後就拍點算？朝早瞓醒就打畀佢哋經理人，求下佢哋單獨食飯，我訂埋餐廳Book埋司機，點知白百何Call咗范瑋琪，黑人（陳建州）同孝全傾咗一晚，白百何就同范范傾一晚。」
她笑稱孝全如人格分裂，至第五日已變成大細路，更拿着穿了幾天的臭拖鞋逼白百何聞。但分隔一段時間再見面，孝全又要從頭warm up過，相當有趣。