DaDa慌失失拍肚證冇餡
自從陳靜（DaDa）宣稱因心理及情緒病而退出幕前，即時令到傳言四起，有指她有富商代為贖身，更有傳她秘密有孕，「閃退」一個月的DaDa前晚首度開腔，但明顯慌失失，承認還在食藥睇醫生，更一度以雙手拍肚否認「有餡」傳聞！
「潛水」一個月的DaDa，前日被發現於o靚模好友蔡瑩瑩陪同下脹爆現身，並鬼祟進入九龍塘一住宅大廈，逗留約5小時後，於晚上11時15分步出。雖然當時已經夜深，DaDa仍刻意戴上口罩避人耳目，由蔡瑩瑩驅車接載離開，及至發現記者，兩人明顯慌失失，一度停車齊齊打電話求救，繼而以龜速駛去奧運站附近蔡瑩瑩住所，兩人全程忘記開車頭燈，要由記者提醒才醒覺。
蔡瑩瑩幫口澄清
抵達蔡瑩瑩住所後，記者上前做訪問，兩人一度耍手擰頭，表示不方便，DaDa被問到回港後有否聯絡經理人施念慈，起初她只是點了點頭，最後終於開腔說：「係，有搵。（有傳你去咗澳洲？）係！（幾時返香港o架？）返咗嚟幾日。（依家個病情係咪仲係嚴重抑鬱？）我依家係有好轉，有睇緊醫生，食緊藥。」問到有傳有人幫她「贖身」，DaDa搖手否認，再問到有指她有孕，DaDa即表現得非常緊張，並即以雙手拍肚以證清白，並望了望自己個肚再笑着說：「冇可能，冇呢件事，冇可能。」身邊的蔡瑩瑩亦代為澄清說：「呢個我可以肯定唔係事實。」兩人透露該九龍塘住宅乃是朋友家，兩人只是作客食餐飯，其後便直駛回家。
施念慈認有聯絡
記者隨後致電施念慈，問到DaDa稱回港後有聯絡她，施念慈承認說：「始終都要聯絡，之後會搵佢，但依家唔方便回應。」
採：音樂組
文、攝：追蹤組