鄧麗欣唔信姊妹「爛口」
餅碎區文詩跟鄧麗欣（Stephy）、吳雨霏（Kary）及楊愛瑾（Miki）情如姊妹，Stephy說：「我唔係好知呢件事，只係睇過佢喺fb篇嘢，因為佢唔喺香港，所以我冇問過佢，我認識嘅佢唔係講粗口嘅人，佢個人好直，如果真係唔公道或唔合理嘅嘢，佢真係會出聲講，佢寫咁長篇大論嘅嘢，一定發生咗啲事，但發生咩我未問佢，當然佢係我好朋友，我梗撐佢。」
身在意大利工作的Kary坦言Angela有跟她談過工作的事，但因為她忙，未有詳談，Kary認識對方多年，直言Angela不是會講粗口的人，她說：「見佢同助手相處好好，佢對助手都好好。」Kary覺得藝人跟公司有意見不合是平常，希望他們可以和平解決。
Miki則未有聽說Angela跟公司唔妥，她直指Angela個性好直，鍾意與否都會直接說出來，她說：「但我冇聽過佢激動到講粗口鬧人，我知佢唔喺香港，等佢返嚟我會同佢了解吓件事，企喺朋友立場我會支持佢。」