基仔有錢又有女Lorraine坐正

雖然不慎扭傷腳，但基仔依然忍痛繼續跳舞，非常專業。

基仔上周六於廣州體育館舉行巡唱，大打友情牌請來好友Vivian擔任表演嘉賓。當Vivian出場時，基仔以半跪式姿勢迎接，更恭喜她開設經理人公司榮升老闆娘。由於基仔的得力助手兼緋聞女友Lorraine已成了Vivian的經理人，曾揚言將助手「割愛」給Vivian的他，要割他肉都沒所謂，故站在台上的Vivian搞笑以「割肉之交」來形容與基仔關係。

趕生B接玉女班

基仔表示知道Vivian有意捧新一代的玉女接班人，他笑言要生個BB給女方力捧，Vivian即忍不住笑他：「你依家生趕唔切喎！」基仔竟大膽說：「我今晚就整個出嚟！」難怪Vivian唱畢《最愛》後，竟毫不避忌踢爆基仔與Lorraine的關係：「基仔依家愛情、事業兩得意啦。」台下歌迷紛紛起哄，Vivian笑道：「避開繼續爆料，我都係唱歌好喇。」

周慧敏踢爆基仔事業愛情兩得意。	古巨基與Lorraine已被外界視為一對。	周慧敏甫上台，基仔即上前攬攬。

心情靚絕的基仔為個唱瞓身演出，勁歌熱舞獻唱《年年有今日》時不慎扭傷腳，但他仍忍痛跳足廿分鐘勁舞。直至在Encore時基仔才告知歌迷「拗柴」，令全場歌迷愕然又心痛。而基仔返港後已第一時間為腳傷求醫。

文：音樂組