李若彤拍劇增磅

藝人李若彤昨日出席古朱力活動，笑言每天吃十粒朱古力亦不會長胖：「平日拍戲、閒時做運動，消耗好大，所以唔擔心肥。不過最近拍戲拍到夜晚會食消夜，反而肥咗少少。」她表示重新投入拍攝工作，亦陸續有電影或劇集找她演出，問她無綫可有再找她？她稱：「我諗暫時唔會住。（因為酬勞？）我依家復出都係收友情價，都係想幫曾志偉。我唔會為錢而做，唔係我想要嘅，最緊要係個角色吸引。我唔介意返內地拍，不過十二月、一月就唔會去橫店，真係好凍，以前全身貼晒11個暖包都仲打冷震，仲好記憶猶新。」而提到她與李麗珍不和的傳聞，她淡然回應：「冇事啦，冇下文即係唔係真啦！」