圓圓禁加讚透視性感

前晚汪圓圓與表妹湛琪清（Jessica）、皮草太子爺王大業、形象指導郭慶彬，以及剛與日本天后濱崎步合作慈善活動的星級造型師Alvin Goh等，出席連卡佛Fashion's Night Out活動，現場更有以氣球砌成的巨型高跟鞋擺設，甚有氣派。圓圓見記者即自爆幫Jessica化妝及set頭，更笑言可轉行做形象指導，又問記者覺得造型如何？Jessica即大讚非常滿意，更謂圓圓可轉行做化妝師。問圓圓會否在婚禮搞造型？她直言不想做到如演唱會一樣。

有啲恤衫好誇張

問汪圓圓未婚夫蔡加讚（Karson）是否不准她婚紗太性感？圓圓表示Karson仍未見過婚紗，反而自己不准Karson性感：「婚紗有可能露好多，可能包到好實，唔畀佢睇有啲神秘感同驚喜。但我唔畀佢性感，依家有啲恤衫好誇張，透明（視）o架！（咁化妝呢？）淡妝影相都OK，佢會有幾套禮服，我都有畀意見。」

蔡加讚	王大業希望有一位懂得時裝的女朋友。

王大業唔理山聰

同場的王大業被問到有傳陳山聰與何超雲甩拖後，現出山搞生意？他表示沒有留意亦不關他的事，與超雲好少聯絡，又稱對方好像不在港。提到感情生活？單身的他直言喜歡懂時裝的女仔，最緊要大家可以溝通。

郭慶彬感受當晚熱鬧氣氛。	Alvin Goh剛從日本歸來，亦抽空出席活動。	巨型高跟鞋擺設

文：名人組