胡鴻鈞扮傻扮鬼 easy job
「巨聲幫」胡鴻鈞近年經常為無綫劇集唱主題曲，唱功了得的他早前為劇集《師父，明白了》翻唱何韻詩的《化蝶》，更在網上好評如潮，人氣急升。一直予人印象cool cool地、平時唱情歌居多的胡鴻鈞，別看他官仔骨骨，其實私底下他是個表情豐富的人，無論是鬥雞扮傻、扮阿婆扁嘴還是反眼伸脷扮鬼，對他來說亦全無難度，相當惹笑！
問到他過往有沒有做戲的經驗時，他笑言自己只在中學時做過話劇，亦表示未來有興趣多參與幕前演出，他說：「因為啱啱讀完書，想專心投入事業同多方面發展。拍劇或者幕前演出我都好有興趣，我覺得呢個會係個好好嘅挑戰！」表演喜怒哀樂全無難度的他，似乎已做好準備參演電視劇集！