黃麗梅深水埗派飯 伯伯嗌加油
藝人黃麗梅（May姐）近日埋首慈善工作，昨日她在深水埗一酒家門外免費向長者派飯，吸引大批老人家一早取籌，得到飯盒的老人家都開心得笑逐顏開，更有伯伯向晒手叫May姐加油，非常可愛。
一次過派了一百個飯盒的May姐透露，這個免費派飯的計劃暫為期一年，她表示期望能得到更多食肆支持，可以為不同地區的長者解困：「希望多啲食肆可以主動搵我，我可以出錢出力，一人一半又得，我出又得。如果搵工場整，整完又要再送過去，但係食肆整完就派，最新鮮、最直接！」問到為何有此想法，她謂：「我之前扭親條腰，依家都要睇醫生同做物理治療，明白健康嘅重要，有能力就想幫多啲人。」認真善心爆棚。
盼亞視團結
早前亞視陷入釘牌危機，但隨着執行董事盛品儒辭職，由雷競斌接任後，亞視暫時回復平靜，曾是亞視藝人的May姐說：「有留意新聞睇佢嘅發展，我覺得亞視一直係良心企業，希望員工發揮團結精神，建立新形象，做多啲啱香港觀眾啱睇嘅節目。」
文：影視組