薛凱琪撐君如 陳可辛唔花弗

陳可辛與另一半吳君如一向是圈內的模範伴侶，最近卻殺出一個田樸珺「小三風波」，田樸珺撰文自爆與「閨密」陳可辛關係匪淺，除了定時定候會拜會男方家長外，更指三次絕交後，對方都會主動約游水示好。

古仔少句當幫忙

田樸珺此文一出，不少人擔心君如與陳可辛會鬧情變，好友古天樂昨日被問到此事時，三緘其口維護好友，他先指不為事件作回應，並自稱與君如無所不談：「我哋乜都會傾，但傾都係電影、圍繞家庭同佢個女，其他嘢我唔會插嘴。（佢唔開心？）我啱啱先返到香港。」問到古仔可會相信有關報道？他說：「通常局外人最好少講句說話，報道歸報道，作為朋友唔會回應。」

古仔默默撐好友君如。

陳可辛與吳君如恩愛如昔，未有受「小三」事件影響感情。

君如另一好友Fiona則與古仔相反，代友出頭狂寸田樸珺博上位，她說：「任何君如家庭以外嘅女人講嘢都唔可信，佢講嘅嘢傷害人家庭，明眼人都睇到可信性有幾高！呢啲回應只會講一次，唔想幫人哋借上位。」她又指與君如同屬獅子座，揀中的「老公」都是最好，並力證陳可辛唔花弗：「佢對君如好好，試過食飯見到佢哋好sweet。」

黐偉仔彎腰倒奶

至於事件男主角陳可辛亦向君如大派定心丸，透過公司推翻田樸珺的「閨密論」：「如果一定要說閨密，只有一個，就是君如。」至於田樸珺昨日在微博上載風景山水照，似乎未受事件影響。此外，田樸珺於04年與梁朝偉、舒淇等到韓國宣傳《韓城攻略》，在人人都穿上大衣同時，她卻以低胸示人，拍大合照時更擠到偉仔身旁彎腰倒奶搶鏡。

文：音樂組