千語唔怕得罪未來奶奶
吳千語與老闆黃百鳴等前晚出席黃真真執導電影首映，千語最近忙於拍賀歲片，千語男友林峯更自薦客串，問與千語有否對手戲？她說：「有同場拍，但冇對手戲。」對於林峯自爆增磅，千語卻表示愈食愈瘦：「工作太忙。（中秋點孝敬未來奶奶？）未必有時間，瞓都冇時間。（唔怕詐型？）唔會，明白我哋工作行先。」
同場的顏卓靈（Cherry）及蔡瀚億（Babyjohn）憑電影《狂舞派》人氣急升，Cherry承認將拍延續篇：「係拍第三集，第二集故事喺入面發生，但未咁快，導演驚太趕唔好。（有人讚你可提名影后。）唔敢諗，演技仲有好多瑕疵。」有指Cherry男友不務正業，她說不回應感情事。前晚趙雅芝與丈夫黃錦燊和兒子黃愷傑亦有現身。
