馬德鐘率飛虎爆破 驚動警方

鍾嘉欣、馬德鐘、羅仲謙、胡定欣、黃智雯等昨日為新劇《飛虎Ⅱ》拍攝一場大型爆破戲份，劇組選址銅鑼灣近政府大球場一個已荒廢的辦事處大樓取景，起初拍攝嘉欣開槍射殺洪天明、定欣揸車衝入辦事處拋下手榴彈、一眾飛虎隊員於大爆炸後的反應鏡頭，故眾人也表現輕鬆，趁未埋位時還有說有笑，不過當工作人員表示要清場，準備拍攝是日重頭戲，還着演員們走到較遠位置躲避時，嘉欣、定欣與智雯立刻以9秒9速度走到後排位置。

附近居民誤以為真

由於爆炸威力太猛，為免傷及演員，工作人員再次着演員們轉位躲避，但芸芸女演員中，嘉欣卻受盡呵護，被特別安排到車廂中，待她可安坐其中靜心欣賞大場面，其餘人士則分別站着或蹲在汽車旁！爆炸一刻，火勢非常猛烈，未幾濃煙更攻至成幢大廈5層樓般高度，還傳來陣陣濃烈電油味，熱力撲面而來，由於附近居民誤以為真爆炸，報警求助，結果多名消防員及警察到場了解，證實是拍攝效果後便帶隊離場。監製林志華對此謂：「真係唔好意思，應該係啲爆炸聲浪嚇親大家，我哋都依足晒程序，喺指定範圍完成拍攝。」

無綫昨日拍攝一場大型爆破戲分，火焰一度升至三層樓高。

爆破後，大樓隨即冒出大量濃煙，場面震撼。

讚紀律部隊效率高

獲工作人員疼錫的嘉欣，於爆破場面完成後施施然踏出車廂，問到是否很驚慌，她笑謂：「都唔係太驚，因為最大嘅爆破（場面）之前喺《巨輪》拍過，所以叫有經驗。（咁做咩匿入車廂？）我最聽話，工作人員係咁叫我入去，真係當咗係BB，其實我唔係咁驚。（爆破場面驚動警方？）證明效果好真，我哋都係想畀最好嘅觀眾睇，事前都做晒登記同申請，但如果騷擾到附近居民，都真係唔好意思。」談到無綫於年尾舉行的音樂頒獎禮將以普選進行，有指擁有大批男粉絲的她甚為着數，對此嘉欣謂：「我都贊成普選，但心態上覺得，唔係fans多就一定會贏。」

多名消防員及警員接報後到場向工作人員了解。	放大圖片	鍾嘉欣在爆破一刻在車內嚇得低頭掩耳，但事後堅稱自己不害怕。

馬德鐘則透露該劇應能按進度於本月中煞科，見慣風浪的他笑言未對該爆破場面感畏懼，更大讚本港紀律部隊效率高，於接報後短時間內火速到場，不過亦有對附近受影響居民致歉。

文：影視組