吳日言（Yan）擅於下廚煮西餐，尤其鍾愛意大利菜Carbonara。她說：「其實開始學煮呢道菜，係因為曾經有個心儀對象好鍾意食。女仔當然想投其所好，所以我專登去學點煮呢道菜式，希望之後可以畀佢試下，但最後都冇呢個機會，真係有啲可惜。」
不過Yan未有因此放棄學煮意大利菜，事關意大利菜不少菜式都有她最愛的芝士：「講真如果要介紹香港邊度最好食，咁就梗係『吳日言牌』啦！因為我可以因應自己喜好調味得濃郁啲，我仲要用靚嘅車打芝士、加啲白汁同埋雞粉，可以令味道更加突出，好多朋友食過都讚不絕口。」