陳瑞瑩「薦」意濃成功做model

Ana R.與Jessica C.的師妹、有「翻版碧咸嫂」之稱的混血模特兒陳瑞瑩（Helena），去年曾代表香港到新加坡參加「Asia's Next Top Model」，勇奪第五名。能夠在亞洲各地模界新秀中突圍而出，Helena的優秀條件無庸置疑，難怪成為本地模界新貴。

Helena今年剛大學畢業即全身投入模特兒界，原來她小時候已夢想要做model。為了踏上天橋之路，十六歲開始不斷寫信到模特兒公司自薦，即使沒有回音亦從未放棄，終在五年後被Agency羅致旗下。她說：「嗰刻真係好開心！點解我咁多年都冇停止寄信自薦？因為我覺得send封信只係需要花幾分鐘，係一件好簡單嘅事。我想追逐夢想，點解咁都唔去做？所以我堅持落去。」

擁有34D噴血上圍的Helena不介意性感演出，行泳裝內衣騷絕無問題，最緊要感覺健康。最近她又一嘗做設計師滋味，開始設計鞋履，稍後將推出自家品牌女鞋系列，她說：「雖然我好熱愛做model，但唔可以做一世，推出自家品牌係長遠嘅business。我對演戲、唱歌都有興趣，有機會都想試下向演藝界發展。」