美國女星珍妮花嘉娜（Jennifer Garner）前日趁當地的勞工節假期帶仔女到公園享天倫樂，不過一拖三就鬧出不少搞笑場面！除了好動的愛女Seraphina和Violet，珍妮花亦帶同剛學會行路的B仔Samuel騷quali，但細佬未學好行路就挑戰高難度，竟然學家姐Seraphina玩平衡木，Samuel更多次失手倒豎葱跌落沙堆，幸而獲眼明手快的媽媽護駕，難怪B仔玩到笑不停。不過Samuel與Seraphina齊齊玩時又齊齊倒地，搞到珍妮花手忙腳亂，場面搞笑，靚媽果然唔易做！