擁有42吋長腿的萬綺雯（蚊蚊），近日在悉尼完成工作後，趁機四周遊覽，連日來更不停在微博上載靚相，與網友齊齊分享在悉尼的點滴！繼早前上載與柏檔陳豪chok到爆的黑白相後，蚊蚊昨日又再發功，上載多張旅行照到微博晒招牌長腿。蚊蚊更罕有性感地穿上黑色透視裝透Bra，若隱若現feel務求令一眾男士鼻血直流！
心情靚爆的蚊蚊，在海邊影相時不時跳高兼搞鬼伸脷，並在微博向老公報平安：「悉尼自由行day 2，海邊好靚好靚，玩到唔捨得走呀！超傻放心，I still miss you。」而前晚蚊蚊亦上載歎紅酒及街頭大擦漢堡包相，認真識歎！