惠林學廣東話來港霸地盤

韓國女子組合Wonder Girls成員惠林旋風式襲港，前晚為時裝品牌A.T by ATSURO TAYAMA擔任模特兒，聯同Cara G.、傅嘉莉、松岡李那、伍靜麗等行騷。

曾在香港居住的惠林以廣東話及英文接受訪問，她透露今次是首度行騷，感覺有趣，又指做模特兒是每個女生的夢想。惠林此行來港只逗留兩日一夜，未有時間好好購物，她說：「我好鍾意喺香港shopping，但今次冇時間。（有冇品嘗香港美食？）我好鍾意食蛋撻，今日食咗。（你9月1日生日，點慶祝？）會同隊友慶祝，雖然想喺香港慶祝，但唔得。」

惠林夥一眾女模為大會行騷。

Cara G.懷孕後升Cup，雖衣着密實也掩不住。

想拍周杰倫湯唯

全程有問必答的惠林，被問到有傳WG因隊長善藝產後計劃專心相夫教子，以及隊員滿約而解散，惠林身邊工作人員即時表示：「佢唔可以回答有關WG嘅問題，佢公司唔批准。」問她會否計劃獨立發展？她說：「我未有任何計劃，依家有做電視同電台，如果有機會都想拍戲。（想同邊位明星合作？）想同台星周杰倫、王力宏、彭于晏，仲有湯唯合作。我想多啲嚟香港發展。」

Cara G.細C變大D

至於已懷孕14個半星期的Cara G.表示體重已上升6公斤，她笑言全部集中在胸部：「我上圍由細C變大D，我唔想成為巨胸模彭美拉安德遜。」她稱有意拍大肚裸照，並由老公操刀，她又定下目標，希望可在產後個半月後回復產前體重，她坦言：「因為我要努力搵奶粉錢。（搵纖體公司贊助？）我可以憑自己知識同經驗，我係讀營養學；或者可以向Lisa S.取經。（佢仲未修身成功，唔係好例子。）咁我問媽咪啦！佢生我嗰時只係重咗7公斤，生完第二日已經喺病床做sit up，真係好瘋狂。」文：名人組