機場未擴建囡囡先備戰

馬交博彩業增幅勁，原來機場客量增幅仲勁，有報道指單係頭七個月，客量逾280萬人次，既然遊客咁多，機場同娛樂夜場擴大發展都係大勢所趨喎！而9號會所兩位PR就各持己見，雅晴話大型夜場有助增加聲勢，但生怕服務質素下降，而雅熙就覺得擴充可以做多幾枱客，有賺冇蝕！

雅晴：澳門經濟起飛係不爭事實，主要原因係愈來愈多人到澳門旅遊，因此機場擴建配合係好應該，但咁快就講到娛樂夜場都要配合擴充，個人認為太急太快囉，事關澳門夜場多的是，若然每間場都話擴充，話唔定會發展過度，到經濟回落時攬住一鑊熟咋！

雅熙：計我話你都傻傻哋嘅，夜場發展成行成市咁大家先有錢搵，先可以營做氣氛令更多人幫襯，唔通只得機場擴建接送人客來澳，但由得夜場就繼續保持現狀，有錢都唔搵咩？再者發展過度關打工仔咩事，商界從來都係弱肉強食，適者生存o架啦！

雅晴：我贊成機場擴建，周邊配套都要配合先會產生效應，但就唔太認同由得夜場不理性發展，事關旅客多唔代表人客多，作為業界工作者，應該睇定啲先，如果為爭一日長短而盲目擴充，不斷增加夜場數目，最終員工同老闆都會受害！

雅熙：我當然明白你所講「受害」嘅意思，係想話當夜場太多，變相競爭擴大，場與場間最直接就係鬥爛價，作為業界其中一員，收入定必下降，最後苦了囡囡。但其實你有冇諗過有危就有機，有料嘅囡囡又使乜怕搵唔到食，應該係怕多到搵唔切至真！

雅晴：無可否認夜場擴充或增多，對於業界總有好處，但你只顧自己搵到錢嘅諗法實在太自私，個人認為要健康發展，應該人人都搵到食先得，有遠見嘅人應該先從軟件入手，簡單講係增加更多資源培訓囡囡，提升服務質素，而非喺硬件鬥豪鬥勁！

雅熙：應該係軟硬一齊嚟至真！試諗諗，依家毋須提升軟件，囡囡都搵到錢，咁又何需再培訓令員工痛苦呢？反而夜場百花齊放，人客去完一個場接一個場，增加消費，囡囡搵到食自然捨得使，各行各業受惠最實際。話晒做PR呢行唔會長久得去邊，你似乎係諗多咗囉！

雅晴：講到尾，你都係太短視，盲目地向好嘅方面幻想，從冇諗過業界爆煲要如何自處。身為同行你真係令人失望，如堅持硬件先擴建，我認為你嘅硬件，即係咪咪都要同步擴建先可睇齊囉！

雅熙：唔使你提點我都會，睇住7個月客量已逾280萬人次，按年增13%，你話當中有一成人客嚟搵我哋飲酒吹水，我唔瞓都招呼唔切啦，就算機場唔擴建，睇怕我都要執靚副偈先囉！

三圍：33-23-33

身高：5呎4吋

三圍：34-24-33

身高：5呎3吋

撰文：祖　

攝影：生

機場未擴建 囡囡先備戰