傅嘉莉步步為型
轉眼又到開學日，莘莘學子放完個漫長暑假，是否已收拾好心情上學去？一班明星藝人們也曾經歷開學日，而且一開學就爆發趣事。模特兒徐靖雯因長得高大兼束短髮，過完一個暑期後竟被誤認是男同學，弄得她哭笑不得！而Mandy Lieu和傅嘉莉就特別注重上學鞋，後者更為了腳上的新鞋以致「步步驚心」，認真貪靚！
EXHIBIT K＠HARVEY NICHOLS活動
傅嘉莉
「中三嗰年開學我着咗對新買嘅名牌皮鞋，鞋邊車黃線嗰款，嗰日我好愛錫對鞋，行樓梯同行每步路都好小心，驚唔小心刮花對鞋，小小水滴到又即刻抹番，同埋對鞋厚底，我好似高咗，同學見到都『嘩』一聲，但其實對鞋好重哈哈。」
莊思敏
「試過執錯書包囉，我升五年班， 但執咗四年班嘅書返學，咪同老師講番，我唔驚，但好大頭蝦囉。」
品牌推廣發布會
熊黛林
「最難忘開學第一日返學校抄功課，因為暑假掛住同哥哥玩，冇做暑假作業。」
「米蘭站」V city店開幕
周秀娜
「最難忘係冇乜點瞓覺，因為要趕功課，同埋第一日返學一定好唔夠精神，個人會好混亂，最期待係想知自己坐乜位，同邊個做班主任。」
娛樂文化公司簽約儀式
名模Mandy Lieu
「最記得以前臨開學前，一定要擦令對白鞋，係我屋企嘅傳統。其實平時每星期都要自己洗鞋，不過喺開學前會特別認真，因為真係好開心同好期待返學。」
Longines海港城象專門店開幕
徐靖雯
「我細個生得好高，又唔係留長頭髮，嗰時得12、3歲，開學嗰日啲同學仔以為我係男同學，哈哈，笑死我。有班女同學仲叫坐我隔籬嗰個同學仔介紹男仔畀佢哋識，佢竟然介紹我畀人識，仲話我幾好，搞到我要澄清番我係女同學！」