(9)劉溫馨跌Watt (17)陳凱琳鬼樣拖累

十位準港姐昨日為泳裝環節作最後綵排，因上周的泳裝環節把候選佳麗的身材「表露無遺」，昨日眾佳麗穿上疑一律加足胸墊的比堅尼示人，就連上周被拍到「離罩」的(15)蔡思貝和(17)陳凱琳也驚現事業線！不過，一直是三甲大熱的(9)劉溫馨卻乍現粗腿及水桶腰，而且她穿上「加料」比堅尼後，猶如「鬼影變幻球」的上圍卻反見縮水，加上一口濃烈鄉音，明顯跌watt。

蔡思貝眼濕濕呻慘

另一大熱門(17)陳凱琳的身世則再傳負面新聞，生得一副鬼妹仔模樣的她早前已否認是混血兒，昨日她對有爆料指她有中東血統一事再次否認說：「完全冇呢件事，我係爹哋媽咪親生嘅。」她又稱母親從未在中東餐館打工：「媽咪未結婚之前有做過business嘅嘢，婚後都係家庭主婦。（攻擊家人唔開心？）最好唔好講屋企人，不過屋企人好支持我參選，嫲嫲知我入咗圍都好開心。」早前她被拍得住在九龍塘獨立屋，但她稱自己只屬中等家庭，並指該物業屬於嫲嫲：「係我爺爺留低嘅『祖屋』，依家係嫲嫲畀我暫住啫，我之前都唔係喺嗰度住。」

蔡思貝忽然谷出好身材，事後眼濕濕表示自己對參選抱認真態度。

放大圖片

予人活潑開朗形象的(15)蔡思貝受訪時眼濕濕大呻常被人覺得她「嘻皮笑臉」：「人人都覺得我嚟呢個比賽係玩玩下，連嘟姐（鄭裕玲）之前都話覺得我玩玩吓冇包袱，其實我係好認真去做呢件事，同我一齊上堂嘅佳麗都知道。」

張敬仁谷出心形胸，自信滿滿。	劉溫馨粗腿乍現，但上圍反見縮水。	沈桂澄似乎也對自己的「胸湧」感驚訝。
梁家欣在樓梯上幾乎失足，場面驚險。	十位候選佳麗今晚將爭奪港姐三甲及最上鏡小姐等殊榮。

谷心形胸愈戰愈勇

(1)張敬仁就愈戰愈勇，身材甚fit的她力谷心形胸，惟下體不慎現形，她說：「每個女仔都已經加咗pad，可能行路時移咗位，出場前會再小心啲check清楚。」準決賽時觀眾票選排第3名的她亦自覺狀態OK：「好開心，冇諗過觀眾咁留意自己，會做好本分，攞獎要睇緣分。」她又表示已叫家人朋友投她一票：「有位佳麗嘅妹妹同我讀同一間中學，佢話有好多師妹都投咗我一票，雖然我唔識佢哋，但都好開心。」而(6)劉佩玥、劉溫馨、(13)歐陽巧瑩、陳凱琳下體都不慎現形，認真失策。

文：影視組