賭王三太陳婉珍昨日在電台訪問中，大談與賭王何鴻燊的初戀故事，她稱初嫁入何家時，不習慣賭王將愛分薄給四房：「初初真係有困難，但我離開佢我仲唔開心，愛佢就要包容埋缺點。」她又直言最偏心大女何超雲，皆因是她與賭王的第一個愛情結晶品。
雖然兩位千金及囝囝緋聞多，但三太揚言不會限制他們的感情生活，問到會否擔心他們會誤交壞人？她指對兩女的管教一向嚴厲：「細個我體罰佢哋，藤條、間尺都試過，從小我都灌輸佢哋要帶眼識人，錢銀嘅嘢唔可以咁疏爽。」提到細女何超蓮公認是最索的何家千金？三太笑言：「我兩個女喺東方人眼中都係靚女，但喺西方人中都係唔靚。」