體重達230磅的藝人肥妹陳嘉佳（小寶）自言無「食」不歡，挑選美食的原則是「抵食夾大件」，所以美式西餐廳就最合心意！小寶興奮地表示：「一般美式食物嘅size比較大份，所以好啱勁鍾意食嘢嘅我，港式西餐太細份，冇咁吸引。」
除了食物夠大份，小寶又指西餐可以一次過滿足自己的欲望：「我每次去呢間西餐廳都可以一次過叫晒自己想食嘅嘢，例如牛柳、牛仔骨、豬肋骨等肉類，順便可以點埋沙律同拼盤，不過其實自己最鍾意食漢堡包，因為夠多汁，同埋最緊要係凍檸茶可以免費任斟，啱晒每餐都要飲三、四杯飲品嘅我！」小寶又指由於屋企人煮餸味道較淡，所以味濃的美式西餐零舍吸引她。