吳若希：佢需要人愛錫

與鄭欣宜同公司的吳若希（Jinny），盛傳獲唱片公司老闆偏心疼錫，令備受冷落的欣宜不是味兒。對於欣宜拖新歡夜蒲中環時後巷咀嘴，Jinny昨日在電話中笑說：「係咪goodbye kiss？大家都知欣宜鬼妹仔性格。（知佢有拖拍？）我冇聽佢講過，我陣間八吓佢，如果真會戥佢開心，因為欣宜係好需要人哋愛錫嘅女仔。可能大家細細個睇住欣宜大，覺得佢好需要保護，我都好想保護佢。」
吳若希
吳若希

Jinny否認與欣宜不和，覺得傳聞很好笑，不擔心影響兩人友情，更經常互相鼓勵。她笑說：「我都有同欣宜講，我同佢反應都係一樣，就係黐線囉！」她指老闆沒有偏心，個個歌手都疼錫。

王君馨
  • 王君馨

另外，欣宜好友王君馨昨日接受電話訪問時，聞得對方與紋身男咀嘴，她說：「係咪真o架？角度嚟咋！我冇聽過佢拍拖，如果依你形容，我應該知係邊個，佢係我教會弟兄嚟，圍內嘅人都識。（佢追欣宜？）我唔知！」