AD2恨拍金雞娛樂港人

分別擁36F及34E上圍的Aily（吳婕妤）與Amy K.（艾美琦），組成組合AD2短短兩個多月，即憑連環怪招搶盡風頭，Aily在電影試鏡中露暈、兩女又在灣仔天橋互咀及穿三點式闖銅鑼灣等，怪行事件簿幾呎厚，相信面皮也有幾呎厚。

「別人笑我太騎呢，我說我倆已升呢」，兩女求仁得仁成功博得版面，內地有關AD2的視頻高達逾百萬點擊率，雖被外間圍攻，但她們EQ甚高，Aily說：「如果係正面批評，我哋會接受，但其他𡃁模根本做緊同樣嘅嘢，冇資格話我哋。」並道出奇招背後的原因，認真辛苦晒：「香港人好大壓力，我哋想做啲嘢等大家放鬆吓，唔介意犧牲自己畀人茶餘飯後取笑，最緊要娛樂大家！」

路癡Aily 迷失尖咀

種種行徑已證明Aily及Amy相當玩得，她們直言想闖影壇做諧星，最希望與影后吳君如放笑彈，例如再拍電影《金雞》系列，既可搞笑，又可順理成章露肉，Amy說：「如果可以同君如一齊做金雞，好似中咗六合彩頭獎咁！性感啲都冇問題，但希望有發揮，最好帶到一啲訊息畀觀眾。」

兩女平日相處甚多烏龍搞笑事，足見有諧星天分，Amy先踢爆來港不久的Aily是路癡：「佢成日唔知自己喺邊，去到銅鑼灣問係咪尖沙咀，又搞錯深水埗同大角咀，好得意！」Aily則表示因兩人手袋同款式，曾拎錯對方的手袋：「返到屋企先知搞錯，又要出門口交換番！」

Aily（吳婕妤）

身高：1.65米

體重：105lbs

三圍：36F、25、36

Amy K.（艾美琦）

身高：1.65米

體重：99lbs

三圍：34E、24、34