何思諺追女湊「好」字

何思諺（Leanne）自去年為老公杜志烜（Tom）誕下囝囝杜杜後，經常一家三口享天倫樂，生活幸福！提到與囝囝相處，Leanne笑言與老公主張放任政策，更自言不想成為怪獸家長，她說：「我同Tom都係用一個放鬆嘅心態照顧佢，唔想逼得太緊！好似打鼓咁，我哋都冇逼杜杜，但佢依家會拎起鼓棍打！」

為幫扮靚再造人

見Leanne對現場的可愛卡通公仔愛不釋手，問她會否跟Tom追多個女時，她笑說：「記得最初Check個肚時，心諗如果係女就好，點知Check到係仔，Tom就好開心仲話：『好嘢！有得同我打波！』但我哋一直都想生番個女，因為可以幫佢扮靚！希望等杜杜三歲左右返咗學之後，我哋就可以進行造人計劃！」

Leanne對可愛卡通公仔如少女般愛不釋手。

Leanne與老公Tom及囝囝經常一家三口享天倫樂。

手作生意接不停

此外，Leanne於早前開展她的網上手作生意，至今反應不錯，訂單接不停：「我依家整緊一個將壓花放落吊飾度嘅手作，定時會推出不同主題！我開頭諗住一個月有十幾單訂單，有時間就整吓，但冇諗過之後愈來愈多！不過我一個星期會用三日整吊飾，其餘時間就會分畀屋企！」

攝：沈健程

場地：東港城

服裝：文化屋雜貨店

文：專案組