Jocelyn難捨香港唔生住

名模Jocelyn（右）與琦琦穿上品牌最新鞋履，快人一步換季。

警鐘胸模JC、「翻版關之琳」名模Jocelyn、琦琦、楊崢、貝安琪、莊思敏和藝人李彩華，前日到銅鑼灣出席Melissa × Karl Lagerfeld私人酒會，各人獲率先試鞋。

剛晶B大前日出世，獲全城祝賀，已婚的Jocelyn坦言亦想當媽咪，她說：「十月我就30歲生日，到時可能會同老公一齊去泰國上瑜伽課，以前講過30歲就做媽咪，依家希望過多兩年先，因為如果我一有咗就會返屋企夏威夷居住，唔再做model，我真係唔捨得香港，所以一直唔生住！」而JC雖然未婚，但見她竟然對BB鞋甚感興趣，更忍不住拿上手把玩，莫非JC也有意趕做媽咪？

名模楊崢率先試新鞋，滿載而歸。

JC把玩BB鞋不停手，觸發她的母性。

琦琦指一擊即中厲害

琦琦則大讚剛晶洞房花燭夜一擊即中，十分厲害，她笑言：「佢哋嘅寶寶一定擁有運動因子，一定十分健康！」此外，談到名模好友馬詩慧的長女王曼喜被拍得當街抽煙？琦琦即維護說：「我識嘅曼喜係好乖好純，我諗佢都係同朋友出去貪得意食吓，係情有可原，呢啲係每個細路仔成長會遇到嘅問題，成長過程一定有好有唔好，唔可能一世都唔做錯事，慢慢教佢！」問她可會擔心女兒長大也抽煙？她笑說：「冇得擔心，見步行步，不過暫時個女都好乖，佢如果見到爸爸食煙，會要爸爸罰企，但老公（任達華）覺得被個女罰係一件好幸福嘅事！」

文：名人組