湯洛雯誘Cool魔過招

無綫藝人湯洛雯（Roxanne）去年挾「湯鎮宗女兒」之名參選港姐，雖然未能入選三甲，但之後已獲安排拍攝處境劇《愛‧回家》磨練演技。雖然Roxanne是星二代，不過她不想靠父蔭上位，又希望與Cool魔張智霖鬥演技。
湯洛雯覺得張智霖官仔骨骨，很想與他合作拍劇。
湯洛雯覺得張智霖官仔骨骨，很想與他合作拍劇。

湯洛雯去年參選港姐，雖未打入三甲，但也取得旅遊大使獎和美麗昇華大使獎，及後即獲安排主持綜藝節目及參演處境劇《愛‧回家》，可見無綫有意培訓Roxanne為全能藝人。

演劇贏得友誼

談到拍《愛‧回家》，Roxanne說與劇組演員建立了深厚友誼：「我同劇組好多人都好好朋友，尤其係演律師樓職員嗰班，大家未埋位時，都會講笑，其中李霖恩成日搞到我笑到抽筋。」

張智霖
  • 張智霖
早前湯洛雯（左）與朱璇（中）和蔣家旻宣傳《愛‧回家》。（資料圖片）
  • 早前湯洛雯（左）與朱璇（中）和蔣家旻宣傳《愛‧回家》。（資料圖片）
除了演劇，湯洛雯亦曾與洪永城主持《走過浮華大地》。
  • 除了演劇，湯洛雯亦曾與洪永城主持《走過浮華大地》。

Roxanne初次拍劇，難免會遇到難題，問她會否請教同是演員的爸爸湯鎮宗？她說：「爹哋好少喺香港，所以見面時間唔多，我亦唔想喺爸爸休息嘅時間同佢講工作，同埋我做呢行，真係好想乜都靠自己，好想做啲嘢畀佢睇，唔想太依賴佢。」

讚郭羨妮夠靚

提到最想合作的對手，Roxanne自爆很喜歡張智霖：「好鍾意啲官仔骨骨嘅男仔，加上佢感覺健康，又Keep得好好，希望可以同佢做對手戲。」女星方面，Roxanne謂最欣賞同是港姐的郭羨妮：「有睇佢參選港姐，覺得佢表現好出色，個樣亦好靚，之後佢做戲都好好，完全冇新人嘅感覺。」

攝：秦健輝

服裝：Manila Grace

文：專案組