本打算順產的晶晶，因ＢＢ分娩前仍未轉頭，故要選擇開刀。對此，婦產科醫生余啟文表示一般情況下，孕婦穿羊水24小時後就會開始催生，他說：「冇限穿咗羊水幾耐就一定要生，要睇好多因素，例如ＢＢ情況、媽媽陰道有冇受感染等，但通常24小時後就會開始催生。」但需否開刀，則要視乎ＢＢ頭部位置而定：「ＢＢ出世前有兩種轉法，轉得唔啱就可能要開刀，第一係頭向上，但機會低啲，第二就係ＢＢ面嘅方向同媽媽盆骨方向唔夾。」除胎位不正，余醫生表示另有三個情況要開刀：「第一係宮頸唔開；第二係上一胎開過刀或者做過子宮手術；第三係ＢＢ心跳唔好，驚佢焗親。」另提到晶晶比預產期遲了生Ｂ，余醫生表示絕對沒有問題：「懷孕42周先叫過期，41周開始催生就少啲併發症。」