霍震霆笑談新抱三年抱兩
霍震霆爺爺昨與母親呂燕妮及二子霍啟山於中午1時許到養和探孫，全程笑容滿面的霍爺爺，表示新抱昨日仍未出院，他說：「佢哋都休息咗幾日，嚟探佢哋。（係咪發全家福相？）我諗你哋都有問佢，會發相，（一齊全家見傳媒？）唔好啦！（曾祖母送乜畀曾孫？）佢好開心，見一見孫仔，（係咪影多幾張相？）畀佢哋休息多啲，影得好啲。」曾表示改名是爺爺責任的他，透露改名的進展加快進行，稍後會公布。
啟山於下午2時半先走，未幾霍震霆陪住母親離開醫院，昨日已連續第三天到醫院探孫的霍爺爺，表示今天要出席活動未能到醫院探孫，故昨日逗留足足個半小時才離開，離開時回應郭晶晶準備三年抱兩的生仔計劃，霍爺爺聞言忍不住開心大笑說：「乜都有程序o架嘛！依家先第一個，等佢計劃吓至講，（教啟剛抱B？）我哋都有少少震震驚驚，我（抱BB）都麻麻哋，都好緊張。」又表示晶晶需要多休息，故昨日不會見傳媒。