龔嘉欣改電話避滋擾
龔嘉欣（Katy）現時於佛山拍攝劇集《守業者》外景，日前她於微博表示收到香港的恐嚇電話，對方更說出威脅性說話，更表示若再有這些來電便會報警。記者昨日聯絡上她，她坦言每晚都有一個女人不停致電給她，更說出一些莫名其妙的說話，Katy表示暫時都未報警，不過對方令她受着很大滋擾，她謂︰「我唔知佢係邊個，但每晚係咁打嚟，真係好忟憎，我哋已經由朝拍到晚，瞓覺時仲要被騷擾。」
被女性電話騷擾，難免令人想到「桃色糾紛」，問Katy有否搶人男友時，她強調︰「絕對唔會，我唔會做呢啲嘢，我真係夠膽講我肯定唔會。」她又指若再持續此情況，便會改電話。而與她分屬好友，現時於佛山與Katy同房的樂瞳坦言一路都知對方有這些電話騷擾，但都是得啖笑。
姚子羚爆多人追
而Katy的同居閨中密友姚子羚接受電話訪問時，表示很清楚對方的性格，當中一定不會牽涉男女關係，問知否Katy是否蜜運，子羚謂︰「佢不嬲都多人追，靚女嚟嘛！（你同佢同居怕唔怕有危險？）唔怕，就算有危險我咪保護佢囉！再叫啲猛男保護佢，（有冇介紹畀佢？）佢有o架嘞！呢個我好放心。」
而曾與她傳過緋聞的許家傑受訪時笑謂︰「係咪依家七月呀！黐埋啲污糟嘢！哈哈，（會否捲入桃色糾紛？）佢都修心養性啦喎！唔會啦！有需要我都會保護佢。」至於沈震軒則謂︰「係咪惡作劇咋？佢經常都會喺微博講自己心情，都會打畀佢問乜事！」
文：影視組