鄧梓峰擁有定翼機（即小型飛機）牌近13年，他說考小型飛機牌與考直升機牌差不多：「考小型飛機要考筆試同儲鐘（即飛行時數），筆試要考七科，一年內完成，飛行時數要夠46個鐘，其中10個鐘要單獨飛。考直升機牌都係要儲40幾個鐘飛行時數。」鄧梓峰說只要年滿16歲就可考小型飛機牌，英文不需特別好，不過當年他考牌就花費近十萬，並用了年半時間。
對於吳鎮宇一個月內考獲直升機牌，他表示並非不可能：「會辛苦啲囉，每日飛完再讀書，又要考試，同埋要睇佢喺邊度考，因為香港嘅筆試分七科，但美加就只有一份卷。」有傳鎮宇是在內地考直升機牌，問內地考牌時間會否較短，梓峰謂：「唔知，但考牌應該係跟國際標準。（內地考嘅牌喺香港用唔用得？）當遊客飛一兩次就得，長遠嚟講一定要轉番香港牌。」