JC得男友批准賣胸殺人

JC以性感女殺手造型亮相，胸前十分澎湃。

警鐘胸女模Jessica C.早前返美探望男友，離港一段日子的她，日前返港，昨日即以電腦遊戲「殺手已死」中的性感女殺手Vivienne造型出席電腦節活動慰藉香港fans，久未露面的她，身穿銀色貼身低V Jumpsuit，內襯黑色bra，上圍比以往更見澎湃，令現場氣溫急升，吸引近百龍友圍觀。在台上，JC跟電腦遊戲製作人須田剛一玩遊戲，烏身拋胸拗手瓜，非常養眼，不過下體卻疑似現形，頗為不雅。

性感造型忠於原著

對於一身性感打扮，JC稱是跟足角色衣着，並已給男友過目，她說：「我答應過佢，佢係第一個睇我呢個造型嘅人。（佢有咩意見？）佢認為OK，話我可以去殺人。（如果佢話唔OK咁點？）咁我就殺死佢。」問她會否覺得衣着過分性感？她稱只是角色扮演，忠於原著，服裝也是為她度身訂造，但對於下體疑似現形，她不置可否：「唔係真係睇到，只係呢種衣料比較難遮掩，但我唔介意，只要冇走光就得，我覺得件衫好安全。」

JC笑言男友對她的造型十分讚賞。

JC跟電腦遊戲製作人須田剛一拗手瓜。

擁有C Cup上圍的JC，昨日似乎突然升 Cup，JC承認有加墊及用push up bra加強視覺效果：「我都覺得今日個胸睇起嚟有D Cup，因為今日多人，個場又大，所以我個胸都要整大啲。」另外，現場有龍友因不滿大合照時有人擋着JC的胸部而爆粗，JC竟然讚可愛，但她希望除了胸部外，大家也可留意她的樣貌及長腿。

文：名人組