克勤怕變口水歌王 嗌撞鬼

李克勤早前集合多首改編自日本歌手玉置浩二的大熱作品，推出名為《復克》的專輯，結果銷量不俗，昨日舉行簽唱會，吸引超過二百歌迷到場，歌迷更上台玩遊戲，模仿克勤唱片封套的動作，其中有歌迷高舉雙手彎腰擺甫士，克勤見狀笑謂：「我唔係譚詠麟喎，我有影過咁嘅封套咩？撞鬼囉。」

聽慣志偉助語詞

講到專輯銷情理想，克勤說：「環球應該有花紅分，有人提議我出第二張《復克》碟，但我唔想成日翻唱啲歌，怕變口水歌手，但我知又真係賣得幾好嘅。」

克勤前晚有份錄影港姐準決賽，有指因錄影時間太久連曾志偉都忍不住爆粗，克勤說：「志偉間唔中就有啲助語詞出嚟，咁多年大家都習慣，大家唔應該着眼喺嗰度。」有指爆粗事件或因司儀的咪未關被揭發，克勤謂幸好他和陳百祥的話題是講腳毛，如對佳麗評頭品足，便會被大造文章。

文：音樂組