陳法拉凌空咀賀張智霖

張智霖、陳法拉、馬國明、江美儀、胡定欣等昨日齊齊玩魔術宣傳《衝II》，張智霖聯同馬國明等，借助魔術師甄澤權之力，令法拉凌空升起，台下觀眾看得相當受落。隨後法拉更借意變出生日蛋糕，為明天生日的張智霖提早慶生，張智霖更得戚地指着臉龐，成功向法拉索吻。

一個月賺過20萬

事後張智霖表示希望今年生日在平淡中度過，問到生日願望時，他只希望劇集收視繼續上升，至於可會期待太太袁詠儀送驚喜？他笑說：「我唔太喜歡Surprise Party，怕唔知畀咩反應，其實囝囝有畫畫畀我，佢健康快樂就係我嘅禮物。（想唔想追個女？）順其自然啦。」

陳法拉大方吻賀張智霖。

馬國明與江美儀的床戲令觀眾十分期待。

而法拉透露暫未計劃何時返美國繼續進修，但承認乘《衝II》熱潮工作量大增，提到有傳她與薛世恒復合，另一邊卻指她索取20萬贍養費甚至5千萬家產，法拉笑說：「真係天文數字，呢啲都係好有創意嘅作品，依家重心以工作為主，唔心急亦冇追求者。」她還風趣地笑說自己今個月都賺多過20萬，但就未夠5千萬。

馬國明床戲搞笑

另外，馬國明透露與江美儀的床上戲快將播出，他說：「我哋以搞笑為主，冇法拉嗰啲尺度咁大。」而稍後他會為新劇《寒山潛龍》到象山拍攝，完成後緊接拍攝成龍新戲，並解釋自己非男主角：「會係一個內地演員，我就飾演律師。（你大戰幾多個靚女演員？）我連女主角都未知，收到劇本但我未得閒睇。」

文：影視組