同場互相駁火莊思敏想o靚模消失
莊思敏（Jacquelin）昨日與o靚模梁晶晶同場出席時裝活動，剛在微博上寫道「秋風起，o靚模死」的Jacquelin，全場寸爆o靚模，毫不掩飾其厭惡，她說：「冇諗過書展後佢哋仲未消失，最好唔好同場，（拉低咗個水平？）一年衰過一年，佢哋嗰啲寫真相同宣傳手法好討厭，見到都唔想同佢哋打招呼，影合照時都有企開，（會唔會指點吓佢哋？）冇得救，（鬧佢哋？）冇得鬧，唔需要傾偈！」
被當眾「指責」，梁晶晶亦不甘示弱反擊：「我哋會彈番起，我哋唔只係o靚模，有品牌搵我哋做嘢，人哋係叫我哋做潮模，（Jacquelin話唔想同你哋同場？）主辦單位搵得，證明我哋係有價值，不過佢係前輩年紀大，佢教我哋嘢惟有接受！」