DaDa「蒲頭」 贈興
「閃退」陳靜（DaDa）雖曾稱病未能與公司聯絡，卻又能與好友們溝通無間，而她昨日又在微博蒲頭，令人對她病情存疑。而沒有DaDa做女主角的《喜愛夜蒲3》前晚開工，許亦妮、雨僑等群女晒胸，睇頭十足。
據知陳靜（DaDa）曾發電郵給公司，自言因病所以未能以電話聯絡，但卻又能與好友何佩瑜（Jeana）等人溝通無間，而昨日她又終在「閃退」13日後微博蒲頭，上載一張畫面遼闊的風景照並留言：「讓你難過的事情，有一天，你一定會笑着說出來。」似乎想為復出鋪路「試水溫」。
無DaDa唔失色
而DaDa好友形象指導馬天佑昨日亦坦承有與對方聯絡，他出席活動時說：「睇完佢（DaDa）做嘅電影時有發短訊畀佢。佢覆我，仲反問做成點。（經理人搵佢都唔覆，你搵就即覆？）都唔係即覆，有時差。（傳佢係澳洲豪賭？）冇問佢去邊。」而一直搵唔到DaDa的經理人施念慈對此回應：「其實全部嘢都交晒畀律師處理，唔方便再作回應。」
而《喜愛夜蒲3》前晚在中環開工，導演錢國偉（Wilson）曾直指DaDa失蹤行為極為不負責任，前晚電影開拍時，他指就算沒有對方電影亦不會失色：「DaDa拍《夜蒲1》時都仲係新人，當時DaDa都拍到，咁其他新人都會拍到，再嚟過啫。」
中環夜店晒女
雖然DaDa棄演女主角，但前晚《喜愛夜蒲3》在中環開工時Wilson「晒馬」式出動眾女到中環夜店吸晴!打頭陣到場有何佩瑜（Jeana）、雨僑、許亦妮。及後戲中的「十二女神」陸續現身，一向最博的寸嘴Barbie夏尉喻，穿上Bra top谷盡雙峰，Barbie被問到是否全場最性感，她笑說︰「都唔係嘅，（有冇肉搏戲呀﹖）有呀，有個擁有完美身形嘅香港先生做對手﹗」
文：專案組