鍾嘉欣處女騷獻兩男
有「宅男女神」之稱的鍾嘉欣，前晚首次舉行個唱，激動得兩度落淚，她又刻意安排兩名緋聞男友伍允龍和彭紀諺分兩場睇騷，並憑歌寄意特意選唱《明天我要嫁給你》，未知最後哪個才是真命天子！
鍾嘉欣一連兩場處女個唱《鍾嘉欣LOVE LOVE LOVE演唱會》前晚在九展舉行頭場，許廷鏗、吳若希、薛家燕、王君馨、楊思琦和曾與嘉欣傳緋聞的彭紀諺等到場支持，不過「正印」緋聞男友伍允龍就未見人，嘉欣表示他尾場才會現身，似刻意避免兩名「男友」尷尬同場。
跳勁舞想轉型
嘉欣先以白色露腰裝出場，又將《傻女》改篇做快歌又跳又唱，雖然嘉欣的性感程度不及兩位穿bra top的女舞蹈員，但足以令坐後排的歌迷衝到台前舉機狂影，令現場一度發生混亂和罵戰。未有發現異樣的嘉欣唱完後問歌迷：「頭先算唔算一種突破？我未試過跳咁多舞，好唔好睇？你哋估我可唔可以轉型？」
之後台上播出一段嘉欣在家中苦練鋼琴的片，接着嘉欣換上透視大露背長裙，表演自彈自唱，彈完她激動大嗌：「終於彈到喇，我應承咗自己唔可以喊。」不過話畢即流了幾滴眼淚，她即笑說：「死啦真係跌咗落嚟，聽日仲有一場o架。」嘉欣又請來同是教徒的衞蘭做嘉賓，兩人拖手合唱，嘉欣讚衞蘭好人，指首次見面時衞蘭主動和她打招呼，衞蘭笑言：「因為你識講英文。」
讓歌迷坐前排
安哥時嘉欣BB被歌迷熱情感動到爆喊，完騷後嘉欣表示心情仍很激動，並說選唱《明天我要嫁給你》不是給緋聞男友伍允龍聽，又稱不會安排伍允龍坐第一排：「唔想大細超，好多藝人都分到坐遠少少，因為想買咗飛嘅歌迷坐前啲。」
文：音樂組